Mlam mmăt mbrue (10/09), Khua knŭk kna Phạm Minh Chính, jing khua kiă kriê mơ̆ng knŭk kna hŏng dŭm bruă prŏng kơ ala čar, boh nik bruă êlan klông. Êjai mkŏ mjing klei bi kƀĭn tal 20. Klei bi kƀĭn hŏng 27 alŭ wăl. Truh kơ ară kluôm ala mâo leh  2.476 km êlan dơ̆ng pral. Phŭn bruă rŭ mdơ̆ng lehanăn dŭm alŭ wăl hlăk dôk mkra  733km hlăm 22 mta bruă dôk ngă.

Ti anôk bi kƀĭn, phung bi ala mơ̆ng dŭm alŭ wăl, phung mkra êlan, tơdah bruă leh mkŏ mjing sang čư̆ êa dua gưl mâo klei hmăi kơ bruă ruh mgaih anôk ala, klei bi liê ngăn prăk kơ bruă knuă, mâo klei kut kat mă bruă čiăng bi pral… lehanăn brei thâo mâo lu bruă prŏng dôk kpăk êjai găn hlăm yan hjan, dleh dlan hlăm klei mă bruă. Blŭ ti anôk bi kƀĭn, Khua knŭk kna Phạm Minh Chính lač, brei mđĭ bi pral bruă hŏng klei kjăp. Dŭm phŭn dhar bruă lehanăn alŭ wăl mtrŭt mjhar bruă, ngă bi pral jih jang bruă knơ̆ng. Khua knŭk kna mtă brei gĭr hĭn bi leh bruă čuăn dŭm mkra dôk ngă, hŏng mta kñăm 3.000 km êlan dơ̆ng pral lehanăn 1.700km êlan dơ̆ng ktue hang ksĭ, lehanăn mkra bi leh tač êdeh phiơr prŏng Long Thành hlăm thŭn 2025. Khua knŭk kna ăt mtă, phung duh bi liê kiă kriê bruă rŭ mkra, bruă răng mgang wăl hdĭp mda, êđăp ênang klei mă bruă djŏ hŏng mta mtrŭn./.