Blŭ hrăm ti anôk bi kƀĭn Khua knŭk kna Phạm Minh Chính mñă, čiăng mâo klei đĭ kyar snăn bi mâo mnuih thâo mă bruă, mbĭt hŏng klei mđĭ kyar klei kreh knhâo, kdrăp mrâo lehanăn bi mrâo hŏng klei knhêč, bi mlih mrô, mjuăt bi hriăm mnuih mă bruă mâo hnơ̆ng thâo kjăp, ba yua klei kreh knhâo jing hdră êaln phŭn kơ lăn čar, duh bi liê kơ bruă kreh knhâo.

Leh hmư̆ jih jang klei blŭ mơ̆ng phung bi ala, klah čŭn klei bi kƀĭn Khua knŭk kna Phạm Minh Chính mñă: Drei bi mlih ênoh čuăn đĭ kyar truh 8% srăng mđing mđĭ kyar bruă kreh knhâo, pioh mđĭ kyar klei duh mkra, jing bruă kñăm ngă amâo mâo dưi tlaih ôh, jing bruă tal êlâo lehanăn brei mâo mnuih ƀuôn sang jing anôk kñăm, jing pô kiă kriê. Mđĭ kyar bruă kreh knhâo, kdrăp mrâo bi mlih mrô, lehanăn mđĭ mnuih thâo hlăm bruă knuă jing đru lŏ mkŏ wĭt klei duh mkra, mđĭ kyar hŏng klei pral, lehanăn kjăp./.