Ti knăm anei, Khuất Đông Ngọc, Khua knơ̆ng êpul bruă Lŏ hma lehanăn Mnơ̆ng ƀơ̆ng huă Êpul hgŭm lu ala čar (FAO), Khua knŭk kna Phạm Minh Chính mñă klă, Việt Nam bi mni klei bi mjĕ hgŭm bruă hŏng FAO dăl hlăm dŭm thŭn êgao, boh nik jing bruă mtrŭt mđĭ kyar hdră lŏ hma, krĭng ngă lŏ hma lehanăn hdră mnơ̆ng ƀơ̆ng huă hơĭt kjăp ti Việt Nam. Truh ară anei, Việt Nam mâo leh lu klei đru mguôp yuôm bhăn kơ hdră mnơ̆ng ƀơ̆ng huă tar rŏng lăn, boh nik mđĭ hĭn hdră ba čhĭ mnơ̆ng kơ ala tač êngao hlăk mâo dŭm ala čar bi hrŏ klei ba čhĭ braih kyua kpăk gun hdră mkăp hlăm wưng bluh mâo klei ruă Covid 19.

Čiăng mtrŭt mđĭ hdră bi hgŭm dua tĭng, Khua knŭk kna akâo kơ FAO lŏ dơ̆ng đru, sa ai hŏng Việt Nam hlăm hdră mkŏ dăp bruă lŏ hma hluê hdră mđĭ boh tŭ yuôm lehanăn mđĭ kyar mtah, hơĭt kjăp, kreh knhâo, mdrơ̆ng hŏng klei bi mlih yan adiê, bruă tuh tia mrâo mrang, kreh dhar ƀuôn sang, mđĭ kyar krĭng ngă lŏ hma mtah, doh, siam, mtrŭt mđĭ hdră mlih mrô./.