Khua knŭk kna Phạm Minh Chính lač klă: bi liê prăk knŭk kna thŭn 2025 mâo lu klei đĭ kyar. Hlăm 8 mlan êgao, kluôm ala bi liê prăk knŭk kna 409 êbâo êklai prăk, mâo 46,3% hdră kčah Khua knŭk kna jao, đĭ 5,9% kơ ênoh leh anăn đĭ giăm 135,3 êbâo êklai prăk kơ ênoh mrô mkă hŏng wưng anei thŭn 2024.

Khua knŭk kna iêô mthưr mđĭ lar ai tiê đua klam lu hĭn hlăm klei bi liê kơ bruă knŭk kna, hrăm mbĭt, sa ai tiê čiăng găn klei dleh dlan, lông dlăng, amâo brei klei êmưt, “đăm mâo ôh klei mâo prăk ƀiădah amâo dưi yua”; ruah djŏ phung rŭ mdơ̆ng hŏng klei čiăng ngă djŏ klei ƀuăn rơ̆ng, djŏ hnơ̆ng leh anăn ktuê dlăng grăp hruê kăm, hmao hrô kơ phung duh bi liê amâo djăp hnơ̆ng čuăn. Mơ̆ng anăn, mđĭ bi liê knŭk kna, rơ̆ng hnơ̆ng, tŭ dưn, mđĭ hnơ̆ng jăk hdră bruă, djŏ hdră kčah, hră mơar, amâo brei mâo klei amâo jăk, ƀơ̆ng ngăn, luč liê mang.