Bi ala kơ knŭk kna, ñu bi mni kơ dŭm boh tŭ dưn bruă knuă mơ̆ng knơ̆ng prăk hlăm thŭn leh êgao. Lŏ mñă, thŭn 2025, jing yuôm bhăn êdi hŏng bruă čuăn: Mđĭ kyar pral bi leh ênoh kčah jao mđĭ kyar bruă duh mkra ala ƀuôn wưng thŭn 2021-2025.

Khua knŭk kna mtă kơ anôk bruă knơ̆ng prăk ba yua klei kreh knhâo kdrăp mrâo, klei bi mlih mrô, bi hrŏ ênoh bi liê, čiăng bi hrŏ ênoh prăk mnga brei čan, mđing mkŏ mjing bruă brei čan prăk hŏng dŭm mta bruă, duh bi liê tal êlâo kơ klei mđĭ kyar bruă rŭ mdơ̆ng sang dôk, bruă lăm lui sang tĭ rưč, mkŏ mjing klei brei čan prăk kñăm mđĭ bruă duh bi liê, duh mkra mnia mblei hŏng ala tač êngao, klei bi blei mnia, ngă jăk hĭn bruă hâo hưn dŭm hdră elan, bi leh klei bhiăn mă bruă, rơ̆ng mâo klei mtăp mđơr, lehanăn mjing klei găl kơ mnuih ƀuôn sang lehanăn phung duh mkra mđĭ kyar./.