Khua knŭk kna Phạm Minh Chính kiă kriê klei bi kƀĭn ksiêm wĭt bruă bi mlih mrô gưl ala čar thŭn 2024
Thứ sáu, 10:46, 07/02/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Tlam 6/2, ti anôk bruă knŭk kna, Khua knŭk kna Phạm Minh Chính kiă kriê leh klei bi kƀĭn tal 10 ksiêm wĭt bruă mơ̆ng dhar bruă kiă kriê lăn čar hlăm klei bi mlih mrô, lehanăn hdră êlan mrô 06 thŭn 2024, tă êlan, lehanăn bruă čuăn kơ thŭn 2025.
Tui si Phŭn bruă hâo hưn hlăm thŭn 2024, klei bi mlih mrô gưl lăn čar, boh nik hlue ngă hdră êlan mrô 06 lŏ mâo lu klei jăk, boh nik bruă kiă kriê, gĭt gai kjăp hĭn leh, mâo mă bruă hŏng klei ktang hĭn, mđrăm mbĭt mă bruă mơ̆ng gưl dlông hlŏng kơ nah gŭ.
Mñă bruă hlăm wưng tinăp jing lu lehanăn ktrŏ, Khua knŭk kna mtă brei hŏng jih ai tiê, mâo klei bluh đĭ hĭn hlăm klei mă bruă. Jao bruă kơ dŭm phŭn dhar bruă, alŭ wăl mkŏ mjing kjăp hdră mă bruă, hlue ngă hdră mtrŭn mrô 57-NQ/TW; lehanăn mkŏ mjing dŭm ênoh čuăn mă bruă hŏng klei klă mngač. Ktưn truh jih thŭn 2025 djăp 80% jih jang bruă knuă hlăm kluôm čar, 40% ênoh mnuih dưi mă bruă hŏng online, 100% hră mơar mâo mghaih msir djŏ hŏng mrô kak asei./.
Viết bình luận