Blŭ hrăm ti anôk bi kƀĭn, Khua knŭk kna Phạm Minh Chính lač, mơ̆ng akŏ wưng păn bruă truh kơ ară anei, knŭk kna mkŏ mjing leh: 42 klei bi kƀĭn truăn kơ bruă mkŏ mjing hdră bhiăn, hlăm anăn, mơ̆ng akŏ thŭn truh ară anei, mâo mkŏ mjing leh 09 klei bi kƀĭn, ksiêm dlăng mă klei blŭ kơ 80 hră mơar čih mkra klei bhiăn, hdră mtrŭn. Tĭng hlăm klei bi kƀĭn tal 10, Bruă kƀĭn ala gưl 15, knŭk kna srăng mdah hŏng bruă kƀĭn ala hlăm brô 113 mta hră mơar, klei hâo mdah, hlăm anăn mâo truh 47 hră mơar čih mkra klei bhiăn, hdră mtrŭn.

Mơ̆ng ară anei hlŏng truh kơ pŏk klei bi kƀĭn tal 10, amâo lŏ sui ôh, bruă knuă mă jing prŏng. Khua knŭk kna lač, bruă čuăn kčah jing prŏng, hnơ̆ng ngă bruă dleh dlan. Kyuanăn čang hmăng kơ phung khua phŭn dhar bruă, Khua anôk bruă knar gưl brei mâo klei gĭr prŏng, mă bruă hŏng jih ai tiê, mâo klei tŭ dưn čiăng bi leh bruă čuăn mkŏ mjing, bi leh klei bhiăn, êlâo hĭn bi mâo hnơ̆ng kjăp, pral kơ bruă čih mkra klei bhiăn lehanăn hdră mtrŭn ba mdah kơ bruă kƀĭn ala bi mklă./.