Tlam (09/09) ti Anôk bruă Đảng gưl dlông, Êpul mă bruă mrô 2 mơ̆ng Phŭn bruă kđi čar mă bruă hŏng phung bi ala dŭm Anôk bruă Đảng čar Tây Ninh, Tuyên Quang čiăng brei klei blŭ hlăm hră čih Hră mơar leh anăn hdră đru kơ mnuih mă bruă gưl dlông hưn hŏng klei bi kƀĭn phung bi ala bruă Đảng wưng 2025 - 2030.

Êpul mă bruă mrô 2 mâo Khua knŭk kna Phạm Minh Chính gĭt gai mmông mă bruă. Klei blŭ hrăm phung khua hlăm Phŭn bruă kđi čar, Anôk dlăng bruă Đảng sa ai hŏng hră čih hră mơar mơ̆ng Bruă Đảng čar Tây Ninh,Tuyên Quang mbĭt anăn mtă brei bi mklă thiăm boh tŭ êdah êdi, klei adôk kƀah, mbŏ thiăm klei găl grăp alŭ wăl, mbŏ hdră tă hnơ̆ng trah dlăng kluôm hlăm wưng mrâo leh anăn kčah hdră čiăng kơ grăp alŭ wăl. Hjăn hŏng čar Tây Ninh, Khua knŭk kna Phạm Minh Chính mtă kơ bruă Đảng čar mđĭ ktang klei mkŏ mjing Đảng, bruă kđi čar doh mngač, kjăp ktang, mđĭ lar knhuah gru jăk siam, êdah kdlưn kơ bruă duh mkra- ala ƀuôn; rơ̆ng bruă lĭng kahan - êđăp ênang; hŏng kluôm ala mŭt hlăm ênuk mrâo - kpưn đĭ mơ̆ng djuê ana.