Hŏng knhuah gru hing ang, hŏng ai ktang leh anăn kơhưm mơ̆ng sa anôk bruă klei mrâo phŭn găn 80 thŭn mkŏ mjing, đĭ hriê kơ prŏng, Khua knŭk kna Phạm Minh Chính lač Sang mđung asăp blŭ Việt Nam čiăng lŏ dơ̆ng gĭr, mlih mrâo hĭn klei mĭn, klei thâo săng leh anăn bruă ngă, mkŏ mjing klei kdlưn hĭn, mđĭ boh tŭ dưn bruă kriê pioh knhuah gru, lŏ dơ̆ng čuê, čih pŏk hră ktưn hưn mâo dŭm gưl phung nao êlâo ksul mbŭ hŏng ai tiê klei mrâo cách mạng “msei hlăm giê čih, pui hlăm ai tiê”, đru mguôp lu hĭn kơ bruă mkŏ mjing, mđĭ kyar leh anăn răng mgang lăn čar.

Khua knŭk kna mñă kơ Sang mđung asăp blŭ Việt Nam lŏ dơ̆ng mlih mrâo klei mĭn, bruă ngă, kñăm kơ hnơ̆ng jăk, ngă jăk hĭn bruă hâo hưn hŏng hdră 30 boh hră “Klei mrâo phŭn, dlăng mơ̆ng tač, djŏ hdră kčah- čŏng pô, mbruă – hrăm mbĭt, jih ai tiê, bruă klam, knhuah gru, kreh knhâo, mrâo mrang, ktang phĭt, djŏ hdră kčah, tŭ dưn”. Wưng anei, Khua knŭk kna mđup brei Sang mđung asăp blŭ Việt Nam 16 boh hră “Klei jhŏng, Dlăng mơ̆ng nah êngao- kluôm dhuôm- djŏ hdră kčah – knhuah gru – mlih mrô – mbruă- tŭ dưn”.

-Khua knŭk kna Phạm Minh Chính mđup brei mêđai Hồ Chí Minh kơ Sang mđung asăp blŭ Việt Nam