Bruă mkra kban anei kčưm mơ̆ng knhal jih thŭn 2024 tui si asăp mtrŭn mjêč, čiăng hrô kơ kban hđăp klưh hlăk angĭn êbŭ Yagi mlan 9/2024. Kban anei mâo ênoh duh bi liê êbeh 635 êklai prăk, ƀiădah knŏng bi liê mă mil 438 êklai prăk, mâo mkiêt mkriêm hlăm brô 196 êklai prăk lehanăn mă bruă pral hĭn 3 mkă hŏng hdră kčah.

Binh đoàn 12 – Knơ̆ng bruă rŭ mdơ̆ng Trường Sơn pô mkra mjing. Blŭ hrăm ti anôk bi leh kban, Khua knŭk kna Phạm Minh Chính bi myuôm bruă rŭ mkra kban Phong Châu bi êdah klei kut kat leh jao kơ dŭm phŭn dhar bruă lehanăn alŭ wăl bi hgŭm mkra kban, đru hlăm klei mă bruă pral hĭn, tui si ƀuh jing truh 10 thŭn kơh mkra leh sa boh kban, lehanăn rơ̆ng hnơ̆ng kjăp kban. Ênoh prăk mâo mkriêm srăng duh bi liê kơ bruă mkăn, mkra bi kjăp dua nah kban, kñăm dưi krơ̆ng kjăp djăp mta klei amâo mâo jăk tơdah tuôm hŏng klei hjan prŏng angĭn êbŭ, bi hơĭt klei hdĭp mda mnuih ƀuôn, lehanăn mđĭ kyar bruă duh mkra./.