Bi ala phung khua kiă kriê Đảng lehanăn Knŭk kna, Khua lăn čar Lương Cường jao leh Anăn knăl 65 thŭn Đảng lehanăn hơêč hmưi kơ Khua lăn čar hđăp Trần Đức Lương; mbĭt anăn mñă, anei jing hnư pah brei yuôm bhăn mơ̆ng Đảng, čih yap klei duh myơr lehanăn đru mguôp mơ̆ng Trần Đức Lương hŏng hdră bruă cách mạng mơ̆ng Đảng lehanăn djuê ana drei.

65 thŭn dôk hlăm Đảng, khădah hŏng ya bruă, Trần Đức Lương mđĭ lar nanao ai tiê ba anăp, jing gru mngač mơ̆ng sa čô đảng viên, sĭt suôr hŏng Đảng, hŏng ala čar, jih ai tiê ngă bruă kơ hdră cách mạng mơ̆ng Đảng, mơ̆ng djuê ana, bi leh jih bruă klam mâo jao, năng hŏng klei đăo knang mơ̆ng Đảng, Knŭk kna lehanăn mnuih ƀuôn sang. Khua lăn čar hoêč hmưi kơ Trần Đức Lương hŏng gŏ sang suaih pral, yâo mơak, hdĭp jŏk, mâo lu klei mơak hlăm klei hdĭp, čang hmăng ñu lŏ dơ̆ng đru mguôp lu hĭn kơ hdră cách mạng kdrưh kơăm mơ̆ng Đảng, Knŭk kna lehanăn mnuih ƀuôn sang./.