Khua lăn čar Lương Cường bi tuôm hŏng Khua hlăm anôk bruă kƀĭn ala China Triệu Lạc Tế
Thứ sáu, 10:11, 05/09/2025
VOV Tây Nguyên
VOV Tây Nguyên
VOV.Êđê- Tlam hruê 4/9, ti Bắc Kinh, China, ƀri nao ti Knăm bi hdơr 80 thŭn Hruê mblah dưi phát xít mơ̆ng mnuih ƀuôn sang tar rŏng lăn lehanăn mă bruă ti China, Khua lăn čar Lương Cường bi tuôm leh hŏng Triệu Lạc Tế, Khua hlăm Phŭn bruă kđi čar, Khua hlăm anôk bruă kƀĭn ala China.
Ti knăm anei, Khua lăn čar Lương Cường mñă leh hdră mtrŭn mơ̆ng Đảng lehanăn Knŭk kna Việt Nam mđing mrô sa kơ hdră mđĭ kyar klei bi mjĕ Việt Nam- China; mtă kơ dua Đảng, dua ala čar mđĭ hĭn klei bi hgŭm mguôp, hgŭm bruă.
Sa ai hŏng dŭm klei blŭ mơ̆ng Khua lăn čar Lương Cường, Khua hlăm anôk bruă kƀĭn ala Triệu Lạc Tế mñă, dua Đảng, dua knŭk kna brei mđĭ lar knhuah gru bi mjĕ mjuk, mđĭ klei bi hgŭm, hgŭm kngan mkŏ mkra Êpul êya thâo bi kah mbha hlăm êdei anăp, mâo boh tŭ yuôm djŏ guôp hŏng boh tŭ dưn mơ̆ng dua ala čar, đru mguôp hlăm klei êđăp ênang, hgŭm bruă lehanăn mđĭ kyar ti krĭng wăl, tar rŏng lăn./.
Viết bình luận