Hŏng asăp hưn mthâo “Mpŭ kơ boh tŭ yuôm mơ̆ng klei êđăp ênang, bi mlih kluôm čiăng mjing êdei anăp jăk siam”, Khua lăn čar mñă, 80 thŭn êgao, Êpul hgŭm lu ala čar jing klei bi êdah mơ̆ng klei čang hmăng kluôm mơ̆ng tar rŏng lăn kơ klei êđăp ênang, hgŭm bruă lehanăn đĭ kyar, hluê hŏng boh tŭ yuôm kluôm kơ klei dưi êngiê anak mnuih, klei hnŭk êngiê djuê ana, mtăp mđơr lehanăn đĭ kyar ala ƀuôn. Khua lăn čar mtă brei mđĭ hĭn bruă klam mơ̆ng dŭm êpul hlăm krĭng wăl, hlăm anăn ASEAN mâo bruă klam phŭn ti krĭng Asi – Pacifik, mkŏ mjing Êpul êya čŏng kpưn đĭ kjăp.

Khua lăn čar hưn mdah leh klei yăl dliê kơ Việt Nam mơ̆ng ala čar dleh knap kyua klei bi blah ngă, jing ala čar ƀun ƀin, tuôm kăm khư̆, kwang dar ƀiădah ară anei kpưn đĭ jing ala čar đĭ kyar, hnư hrui wĭt kah knar, ñŭ kma êlam leh anăn đru mguôp hlăm hdră răng mgang klei êđăp ênang mơ̆ng Êpul hgŭm lu ala čar./.