Hruê 21/9, ti Seattle, Khua lăn čar Lương Cường drông êpul khua êmau ƀang Oregon mơ̆ng Hạ nghị sỹ Nguyễn Bá Lộc ba anăp, ƀri wưng nao hlăm gưl bi trông gưl dlông Êpul gơ̆ng prŏng Êpul hgŭm lu ala čar gưl 80.

Khua lăn čar bi myuôm Oregon jing anôk bruă kreh knhâo, mrâo mrang, bán dẫn leh anăn pui kmlă mrô 1 mơ̆ng Mi, jing ƀĭng hgŭm yuôm bhăn hlăm klei bi mguôp leh anăn đĭ kyar hơĭt kjăp.

Việt Nam srăng mkŏ mjing klei găl kơ knơ̆ng bruă, anôk bruă mtô mjuăt mơ̆ng Oregon pŏk mlar klei bi mguôp, duh bi liê, ksiêm duah ti Việt Nam, mñă brei lŏ sa ai hŏng klei mjĕ giăm dua tĭng, mtrŭt mđĭ klei bi mguôp bruă duh mkra – mnia mblei, kreh knhâo – mrâo mrang, bruă bán dẫn, mtô mjuăt mnuih mă bruă hnơ̆ng jăk. Khua lăn čar hmăng hmưi Mi hnưm tŭ yap hdră duh mkra mnia mblei mơ̆ng Việt Nam leh anăn ba Việt Nam kbiă mơ̆ng hră anăn mkhư̆ klei mnia mblei mnơ̆ng mrâo mrang.