Khua lăn čar Lương Cường bi mklă Việt Nam dlăng myuôm, čang hmăng amâo mdei mkra mđĭ klei bi hgŭm mơ̆ng đưm leh anăn ƀĭng hgŭm kluôm hŏng Russia.

Hlăm mmông drông, dua tĭng bi tŭ ư lŏ dơ̆ng mđĭ klei đăo knang kđi čar, mđĭ klei bi hgŭm hlăm dŭm bruă Đảng, Knŭk kna, Bruă kƀĭn ala leh anăn alŭ wăl; mđĭ pŏk ngă hdră msir, hdră bruă bi hgŭm klă klơ̆ng hlăm jih jang dŭm bruă; mbĭt anăn mđĭ klei mjĕ êrô mnuih ƀuôn sang, dhar kreh, mjuăt asei mlei leh anăn hiu čhưn ênguê leh anăn đăo knang hŏng klei gĭr mơ̆ng jih dua tĭng, Việt Nam leh anăn Russia srăng duah klei bhiăn, hdră msir tŭ dưn čiăng ruh mgaih klei gun kpăk, găn klei dleh dlan, mđĭ kyar klei bi hgŭm dua nah mđĭ kyar ktang.