Khua lăn čar Lương Cường bi mni kơ klei gĭr mơ̆ng Adŭ bruă Khua lăn čar hlăm boh klei dlông rŏng lăn leh anăn krĭng wăl dleh ktuê dlăng; hlăm ala čar, gru hmô knŭk kna dua gưl leh dua mlan pŏk ngă tal êlâo ba yua tŭ dưn; dŭm alŭ wăl, phŭn, dhar bruă kƀĭn pŏk ngă klei bi kƀĭn bruă Đảng dŭm gưl.

Kơ hdră êlan bruă klam hlăm wưng kơ anăp, Khua lăn čar lač hnơ̆ng bruă knuă kčah lu brei Adŭ bruă Khua lăn čar mđĭ lar jih hnơ̆ng klei thâo, klei ngă bruă pral, hlue si ai tiê mprăp čiăng pŏk ngă bruă klam ksiêm dlăng, đru kčĕ, đru kơ Khua lăn čar, K’iăng Khua lăn čar hlăm bruă ala čar, hŏng tač êngao, hmao đru kčĕ boh phŭn djŏ hŏng boh sĭt, mâo boh êlam, rơ̆ng hnơ̆ng jăk leh anăn hnơ̆ng bruă knuă, boh nik  hlăm dŭm klei yuôm bhăn hlăm ala čar, hŏng tač êngao hlăm gưl Bi hdơr 80 thŭn krŭ kdơ̆ng mlan 8 leh anăn mkŏ mjing ala čar 2-9.