Aguah mbruê 3/9, China kdrăm kơah mkŏ mjing knăm ruê̆ kahan bi hdơr 80 thŭn mblah dưi phat sit mơ̆ng mnuih ƀuôn sang tar rŏng lăn ti Wăl tač Thiên An Môn ti ƀuôn prŏng phŭn Bắc Kinh.

Tŭ klei iêo jak mơ̆ng Khua gĭt gai China Tập Cận Bình, Khua lăn čar Lương Cường leh anăn êpul bi ala gưl dlông Việt Nam nao hlăm knăm bi hdơr.

Blŭ hrăm tŭ drông knăm bi hdơr, Khua gĭt gai China Tập Cận Bình bi êdah klei hdơr kơ klei duh myơr mơ̆ng phung lĭng kahan hđăp nao hlăm klei bi blah, ăt msĕ mơh klei sa ai mơ̆ng mah jiăng tar rŏng lăn khăp kơ klei êđăp ênang hlăm klei bi kdơ̆ng hŏng phat sit. Leh kơnăn, klei ruĕ kahan hnơ̆ng prŏng mkŏ mjing hŏng klei nao hgŭm mơ̆ng lu mta phao ktuang mrâo mrang hlăm Lĭng kahan yang ƀuôn China mâo 45 êpul bi kƀĭn ktuê êlan Trường An. Êlâo kơnăn, Khua lăn čar Lương Cường nao hgŭm hlăm knăm tŭ drông leh anăn mă rup mbĭt hŏng khua dŭm êpul nao hlăm knăm bi hdơr 80 thŭn mblah dưi phat sit mơ̆ng khua gĭt gai China Tập Cận Bình gĭt gai.