Aguah mbrue 22/9 (mmông Việt Nam), Khua lăn čar Lương Cường lehanăn mô̆ ñu mbĭt hŏng phung khua prŏng Việt Nam truh leh kơ New York (Mi), nao ti anôk trông čhai mbĭt gưl dlông Klei bi kƀĭn prŏng Êpul gơ̆ng êpul hgŭm lu ala čar gưl 80. Anei jing bruă mă lu tĭng, tal êlâo mâo Khua lăn čar truh ti anôk bi kƀĭn prŏng hĭn, lehanăn kruak knăl 2 thŭn mkŏ mjing klei mjĕ mgiăm kluôm dhuôm Việt Nam – Mi.

Giăm 50 thŭn êgao, klei mjĕ mgiăm  Việt Nam – Êpul hgŭm lu ala čar lŏ mâo nanao klei đĭ kyar jăk, mtrŭn agha êlam hĭn. Klei khua lăn čar nao bi kƀĭn anei, bi êdah hdră êlan êngiê, čŏng pô bi mguôp lu tĭng, lehanăn kluôm dhuôm. Khua lăn čar mâo hdră nao ti anôk bi hdơr 80 thŭn hrue mkŏ mjing Êpul hgŭm lu ala čar, blŭ hrăm ti anôk trông čhai mbĭt, lehanăn hlăm klei bi kƀĭn gưl dlông tar rŏng lăn kơ klei yan adiê, mbĭt anăn mâo dŭm klei bi tuôm dua nah hŏng phung khua kiă kriê dŭm êpul bruă lehanăn lu ala čar./.