Tŭ drông pô bi ala Srri Lanka, Khua lăn čar Nguyễn Xuân Phúc mnă klă, Việt Nam dlăng yuôm bhăn knhuah gru bi mguôp lu mta hŏng Sri Lanka, hmăng hmưi ba klei mjĕ giăm 2 ala čar đĭ kyar tŭ dưn leh anăn klă klơ̆ng hĭn. Hlăm wưng kơ anăp, Khua lăn čar Nguyễn Xuân Phúc mñă klă, 2 ala čar lŏ dơ̆ng bi trông dŭm êpul gưl dlông leh anăn dŭm gưl, hlăm djăp mbah knŭk kna, Bruă kƀĭn ala, Đảng kđi čar leh anăn mjĕ êrô mnuih ƀuôn sang.

Tŭ drông pô bi ala Campuchia, Khua lăn čar Nguyễn Xuân Phúc hơêč hmưi kơ pô bi klă dưi bi leh tŭ jăk bruă klam, đru mguôp hlăm klei mjĕ giăm 2 ala čar, boh nik hlăm thŭn bi hgŭm Việt Nam – Campuchia 2022. Khua lăn čar hmăng hmưi, ti anăp, khădah hlăm djăp bruă păn, pô bi ala ăt hdơr nanao kơ ala čar Việt Nam, lŏ dơ̆ng đru mguôp ai pô hlăm bruă kriê pioh, ksul mbŭ klei bi mguôp, bi hgŭm leh anăn bi đru hdơ̆ng pô plah wah 2 ala čar.