K’iăng khua knŭk kna Bùi Thanh Sơn bi êdah klei mơak ti anăp bruă bi trông êpul mkŏ mjing kdrăm kơah, hŏng lu bruă bi hgŭm mrâo leh anăn hdră bruă bi liê mâo klei găl mâo bi trông. K’iăng khua knŭk kna mtă kơ dua tĭng gĭr bi hgŭm pŏk ngă, klă klơ̆ng klei ƀuăn rơ̆ng phung khua gĭt gai gưl dlông tŭ ư leh, pŏk ngă jar bi hgŭm kluôm leh anăn hnưm bi mklă Klei kuôl kă ƀĭng hgŭm bruă duh mkra kluôm, mjing boh kdrŭt mđĭ klei bi hgŭm dua nah hlăm bruă duh mkra, mnia blei, mnuih mă bruă…

K’iăng khua mil čhil UAE brei thâo gĭt gai leh dŭm anôk bruă, keh bi liê UAE mkŏ mjing hdră bi hgŭm hlăm dŭm bruă, hlăm anăn jao leh kơ Khua phŭn bruă bi liê UAE hriê čhưn ti Việt Nam mơ̆ng hruê 7-8/2/2025 čiăng bi trông leh anăn bi tŭ ư dŭm hdră bruă, hdră bi hgŭm klă klơ̆ng hlăm wưng kơ anăp.