K’iăng Khua lăn čar čih yap klei gĭr pŏk ngă êlam hdră bi lông, mjing klei lar bra ktang hlăm êpul êya. Hlăm wưng păn bruă, Lâm Đồng mâo êbeh 360 êpul, knuă druh mâo Khua lăn čar mđup brei Medai, anăn knăl bi lông ktưn, klei pah mni, anăn knăl ktưn hưn knŭk kna; êbeh 500 čô mâo mă Hla čhiăm gru bi lông, hră pah mni mơ̆ng Knŭk kna; êbeh 32.000 êpul mâo pah mni gưl čar hŏng lu hdră mpŭ mni mkăn.

Gưl anei, K’iăng Khua lăn čar mđup brei 200 hnư mnơ̆ng kơ phung hđeh sang hră ƀun găn klei dleh dlan hriăm thâo leh anăn mnơ̆ng kơ phung jhŏng ktang yang ƀuôn nao hlăm klei bi kƀĭn. Klei bi kƀĭn ăt bi mni kơ 15 êpul, phung êdah êdi hlăm lu mta bruă, đru mtrŭt mjhar hdră bruă bi lông ktưn khăp kơ ala čar wưng 2025 – 2030.