Ti anôk bi trông dua čô khua kiă kriê bi tŭ ư mđĭ hĭn klei bi tuôm gưl dlông lehanăn dŭm gưl plah wah dŭm anôk bruă, êpul êya mơ̆ng dua nah. Dua khua kiă kriê bi tŭ ư lŏ hgŭm kjăp hĭn bi đru hdơ̆ng găp bruă hlăm alŭ wăl lehanăn hŏng tač êngao, boh nik hlăm klei bi kƀĭn ti êpul hgŭm lu ala čar, lehanăn êpul hgŭm dŭm ala čar klah.

Việt Nam mơak lehanăn ƀuăn srăng mjing kdrông pioh mkŏ Nepal hgŭm hŏng dŭm ala čar ASEAN lehanăn čang hmăng kơ Nepal ăt mjing kdrông kơ Việt Nam bi hgŭm hŏng dŭm ala čar hlăm dhŭn Asi. Dua khua kiă kriê bi tŭ ư hgŭm kjăp hlăm djăp mta bruă hŏng tar rŏng lăn mdrơ̆ng hŏng klei yan adiê bi mlih, hlue ngă klei ƀuăn mkhư̆ êwa jhat truh ti hnơ̆ng  0 hlăm thŭn 2050 lehanăn hgŭm hlăm dŭm bruă răng mgang klei êđăp ênang mơ̆gn Êpul hgŭm lu ala čar./.