Klei bi kƀĭn ksiêm wĭt Hdră mtrŭn wưng 2020-2025, kčah  hdră kñăm, bruă klam wưng 2025-2030 leh anăn mguôp hră mơar Klei bi kƀĭn XIV mơ̆ng Đảng. Anôk dlăng bruă Đảng wưng mrâo mĭn tĭng 54 čô, Anôk kiă kriê bruă Đảng 14 čô. Đa đa knuă druh kmeh gơ̆ng akâo mdei mâo Gưl dlông tŭ ư bi leh jih jang mnuih mă bruă, rơ̆ng lŏ čuê leh anăn hơĭt kjăp.

Năng mđing, mnuih mă bruă gưl să, ƀuôn hgŭm lŏ dơ̆ng mđĭ lar čiăng bi mguôp gĭt gai mơ̆ng Bruă Đảng čar truh kơ nah gŭ. Hră čih Hưn mdah kđi čar kčah hdră kñăm truh thŭn 2030, Khánh Hòa jing ƀuôn prŏng hlăm gưl dlông, anôk hiu čhưn ênguê êa ksĭ lu ala čar, anôk bruă hră mơar ala čar leh anăn krĭng wăl, bruă duh mkra đĭ kyar dua ênoh mrô, bruă ƀuôn prŏng mrâo mrang, thâo mĭn, hơĭt kjăp, wăl  hdĭp mda dưi răng mgang, klei hdĭp mda mnuih ƀuôn sang ƀrư̆ dưi mđĭ, bi mklă bruă klam đĭ kyar mrâo mơ̆ng lăn čar.