Bruă mprăp kơ hdră ruah phung bi ala Anôk bruă kƀĭn ala tal XVI lehanăn bi ala Êpul hgŭm bruă ƀuôn sang dŭm gưl wưng thŭn 2026 – 2031 dưi mkŏ mjing hlăm wưng yuôm bhăn, anăn jing bi hdơr 80 thŭn Hrue mkŏ mjing ala čar, anăp mđing bi hdơr 80 thŭn Hdră ruah khua kluôm tal êlâo ruah Anôk bruă kƀĭn ala Việt Nam, hdră mkŏ dăp anôk bruă dưi hluê ngă kjăp, mđing truh kơ Klei bi kƀĭn phung bi ala kluôm ala čar tal XIV mơ̆ng Đảng ăt msĕ mơh tar rŏng lăn mâo lu klei amâo hơĭt, klei đĭ kyar mơ̆ng kdrăp mrô.

Klah čŭn ti anôk bi kƀĭn, Kơiăng khua Anôk bruă kƀĭn ala Nguyễn Đức Hải mñă, Êpul bruă hâo hưn, mtô mblang mâo bruă klam đru kơ Êpul hgŭm ruah khua ala čar gĭt gai, ktrâo lač kơ hdră hâo hưn, mtô mblang lehanăn mtrŭt mjhar hdră ruah khua. Anei jing bruă klam yuôm bhăn, đru mguôp bi mklă klei tŭ jing mơ̆ng hdră ruah khua. Kyua anăn, phung khua hlăm Êpul bruă brei mâo klei đua klam, bi hgm kjăp čiăng dưi rŏng hdră ruah khua dưi mkŏ mjing hŏng klei êđăp ênang, ba wĭt boh tŭ dưn./.