Hlăm jar gưl nao čhưn Knŭk kna ti Việt Nam, hruê 11/9, Pô mâo klei dưi Australia Sam Mostyn leh anăn ung ñu mâo leh gưl nao hlăm Klei bi kƀĭn Việt Nam-Australia grăp thŭn tal 3 ti Hà Nội.

Bi mni kơ klei bi hgŭm tŭ dưn mơ̆ng Klei bi hgŭm kluôm Việt Nam - Australia, Pô mâo klei dưi Australia Sam Mostyn lač, hlăm thŭn 2025, dua ala čar srăng lŏ dơ̆ng hrăm mbĭt msir klei lông dlăng dleh dlan mơ̆ng ênuk mrâo: msĕ si klei bi mlih bruă mnia blei kluôm rŏng lăn, mđĭ kyar bruă duh mkra, bi mlih mrô, bi mlih êa pui êwa čuh, bi mlih yan adiê ngă, klei mtăp mđơr êkei mniê leh anăn mkra mđĭ wăl knŭk kna. Hlăm klei bi kƀĭn, phung bi ala kƀĭn bi trông klei găl mkra mđĭ mơ̆ng Việt Nam, mâo mkŏ jing hdră bhiăn, bi mih mrô, ñŭ kma lu ala čar leh anăn mđĭ kyar krĭng wăl êngao knŭk kna. Klei anei ăt mâo klei đru mguôp sui mơ̆ng Australia hŏng bruă mđĭ klei dưi kơ krĭng wăl knŭk kna leh anăn mjuăt bi hriăm mnuih mă bruă kơ Việt Nam./.