Blŭ hrăm ti knăm anei, Khua anôk bruă kƀĭn ala Trần Thanh Mẫn brei thâo, anôk mkŏ mjing klei bi kƀĭn trông mâo tŭ mă leh 49 klei čih lehanăn bi mklin leh jih jang.

Dŭm klei blŭ hrăm, bi trông ti anôk bi kƀĭn anei lač kơ lu mta, mâo boh tŭ yuôm kơ klei hlak mblang lehanăn djŏ boh sĭt, hưn lač klă ktuê êlan 80 thŭn mkŏ mjing, đĭ kyar mơ̆ng anôk bruă kƀĭn ala Việt Nam. Lu klei blŭ ti anôk bi kƀĭn mñă klă kơ bruă lŏ dơ̆ng ba yua hŏng klei mĭn mrâo dŭm klei hriăm mâo ksiêm wĭt leh 80 thŭn êhao čiăng mđĭ boh tŭ dưn hdră ngă bruă hlăm dŭm wưng păn bruă ti anăp, êlâo hĭn jing klei đru mguôp kơ Hdră bi kƀĭn phung bi ala bruă Đảng dŭm gưl lehanăn Klei kƀĭn phung bi ala kluôm ala čar tal 14 mơ̆ng Đảng, mprăp kơ hdră ruah phung bi ala anôk bruă kƀĭn ala gưl 16, ruah phung bi ala Êpul gơ̆ng bruă ƀuôn sang dŭm gưl wưng thŭn 2026-2031; mkŏ mjing dŭm hdră bi hdơr 80 thŭn – Hruê ruah khua kluôm tal êlâo mơ̆ng Anôk bruă kƀĭn ala Việt Nam./.