Snăn, čar Gia Lai akâo leh lăm lui 5 knơ̆ng bruă mâo: Knơ̆ng bruă êlan klông dŭ mdiăng; knơ̆ng bruă čuăl mkă duh bi liê; knơ̆ng bruă hâo hưn lehanăn mttô mblang; knơ̆ng bruă mnuih mă bruă lehanăn phung knap mñai; knơ̆ng bruă hŏng ala tač êngao. Lŏ mkŏ mjing mă 2 knơ̆ng bruă anăn jing: Knơ̆ng bruă djuê ana lehanăn klei đăo; Knơ̆ng bruă lŏ hma lehanăn wăl hdĭp mda.

klei akâo anei tui si hdră mtrŭn mrô18-NQ/TW kơ klei mlih mrâo, bi khuăt klei dăp mnuih mă bruă, lehanăn hlue ngă klei mklă mtrŭn mrô mrô 50-KL/TW mơ̆ng phŭn bruă kđi čar, kñăm bi hrŏ klei mđĭ mđal bruă kiă kriê, mđĭ hĭn klei tŭ hlăm bruă kiă kriê, lehanăn mkiêt mkriêm prăk bi liê kơ bruă knuă. Knơ̆ng bruă sang čư̆ êa čar Gia Lai bi mklă bruă dăp wĭt srăng ngă hŏng klei ƀrư̆ ƀrư̆, rơ̆ng klei tŭ dưn kơ phung knuă druh mnuih mă bruă, lehanăn găn gun kpăk rei bruă knuă./.