Hlăm knăm, knơ̆ng gĭt gai lĭng kahan alŭ wăl 7 mđup brei hră pah mni kơ 23 êpul leh anăn 52 čô mâo boh tŭ dưn êdah êdi hlăm bruă bi mguôp hâo hưn kơ bruă knuă mơ̆ng êpul lĭng kahan hlăm wăl kahan hlăm thŭn 2024 leh anăn 6 mlan akŏ thŭn 2025. Hlăm anăn, anôk bruă jưh mơ̆ng Sang mđung asăp blŭ Việt Nam ti ƀuôn prŏng Hồ Chí Minh dưi mâo mă klei pah mni êpul leh anăn kơ 1 čô.

Blŭ hrăm hlăm mmông bi tuôm, Thiếu tướng Trần Vinh Ngọc, khua bruă kđi čar kahan alŭ wăl 7 mñă hlăm wưng kơ anăp, dŭm anôk bruă hâo hưn lŏ dơ̆ng mtrŭt mđĭ klei bi mguôp, kñăm kơ klei hưn dŭm hdră êlan bruă lĭng kahan, klei êđăp ênang, dŭm mta klei bi hriăm, mprăp klei kdơ̆ng mblah, gang mkhư̆ klei truh mơ̆ng yan adiê, klei ruă tưp, klei tui duah đru dŏng. Mbĭt hŏng anăn jing hâo hưn kơ bruă mkŏ mjing klei răng mgang lăn čar hlăm jing jang mnuih ƀuôn sang, bi mguôp hŏng ai dưi răng mgang mnuih ƀuôn sang leh anăn mkŏ mjing alŭ wăl răng mgang kjăp hlăm alŭ wăl.