Phung bi ala sa ai hŏng hdră êlan đĭ kyar hŏng hdră tă tal 2, hŏng mta kñăm GDP đĭ mơ̆ng 8,3 – 8,5%, mkŏ mjing tur knơ̆ng mâo mơ̆ng 10% hlăm thŭn 2026. Phung bi ala lu alŭ wăl, hlăm anăn mâo Hà Nội, ƀuôn prŏng Hồ Chí Minh, Lâm Đồng… ƀuăn ngă ktang phĭt dŭm hdră êlan đĭ kyar.

Blŭ hlăm klei kƀĭn, Khua knŭk kna Phạm Minh Chính mñă kơ dŭm alŭ wăl mkŏ mjing hdră êlan klă klơ̆ng kơ 6 mlan knhal jih thŭn, hlăm anăn dŭm ƀuôn prŏng phŭn čiăng mđĭ GRDP lu hĭn hnơ̆ng kah knar kluôm ala. Khua knŭk kna ăt mñă kơ dŭm phŭn bruă, knơ̆ng bruă prŏng mâo hdră kčah đĭ kyar 2 ênoh mrô hlăm thŭn 2026 čiăng kơ kơ mta kñăm GDP kluôm ala mâo êbeh 10%.