Hdră anei mjing hlăm klei bhiăn mâo hdră mtrŭn mơ̆ng bruă kƀĭn ala, mjing knơ̆ng yuôm bhăn pioh iêo mkrum ngăn prăk hlăm bruă rŭ mkra phŭn pui hạt nhân Ninh Thuận. Mơ̆ng anăn phŭn bruă duh mkra mnia mblei mâo jao kiă kriê, jing pô duh bi lie ngă rŭ mkra phŭn pui  Ninh Thuận 1 lehanăn 2.

Hlăm mlan 9/2025, phŭn bruă bi leh klei kuôl kă hŏng dŭm êpul êya hgŭm bruă kơ bruă rŭ mkra phŭn pui 1 lehanăn hlăm mlan 12/2025 bi leh bruă bi trông, kuôl kă kơ bruă rŭ mkra phŭn pui Ninh Thuận 2. Knơ̆ng bruă sang čư̆ êa čar Khánh Hòa mâo nao bruă mbĕ mnuih ƀuôn sang mơ̆ng anôk rŭ mkra, mkŏ mkra anôk dôk mrâo, pioh mâo anôk ruh mgaih kơ anôk rŭ mkra knơ̆ng bruă pui kmlă. Phŭn bruă sang hră mơar kiă kriê bruă mjuăt bi hriăm mnuih mă bruă kơ anôk bruă rŭ mkra phŭn pui hạt nhân. Phŭn bruă kreh knhâo kdrăp mrâo srăng mâo hdră hâo hưn kơ hdră êlan mkra mjing phŭn pui hạt nhân. Mâo klei čoh čuăn bi leh jih jang bruă rŭ mkra nah gŭ êlâo kơ dua anôk rŭ mkra phŭn pui wưng thŭn 2025 – 2026.