Ti knăm anei, Kơiăng khua knŭk kna Trần Hồng Hà tĭng dlăng, êlâo adih kyua mnuih ƀuôn sang, anôk bruă duh mkra ka tĭng dlăng kluôm ênŭm, hră mơar, klei hâo hưn amâo bi mklin kyua anăn dleh dưi tĭng mkă hdră đru djŏ guôp. Khă snăn, bruă bi hrŏ prăk mnga ti knơ̆ng prăk, jao krĭng rông mnơ̆ng hlăm êa lehanăn dŭm hdră mtrŭn mkăn dưi pŏk ngă đru leh kơ mnuih ƀuôn sang lŏ krŭ wĭt hdră ngă bruă.

Djŏ tuôm kơ bruă jao krĭng rông mnơ̆ng hlăm êa kơ dŭm êpul bruă, mnuih, kơiăng khua knŭk kna mtă kơ čar Quảng Ninh ba mdah dŭm klei gun kpăk ti alŭ wăl čiăng knŭk kna mâo hdră msir mghaih. Djŏ tuôm kơ hdră ba yua kdrăp mrâo hlăm bruă rông… Kơiăng khua knŭk kna mtă brei ksiêm dlăng hdră mđĭ kyar anôk bruă mjut mjing mjeh tŭ dưn čiăng kơ anôk bruă êngao knŭk kna, bruă duh mkra nao hgŭm./.