Knơ̆ng bruă rŭ mdơ̆ng lehanăn knơ̆ng bruă dhar kreh, mjuăt asei mlei, hiu čhưn ênguê dua êpul êya mâo knơ̆ng bruă sang čư̆ êa čar Lâm Đồng jao ngă dŭm mta bruă dôk hlăm klei čuăl mkă kluôm alŭ wăl hiu čhưn ênguê Mũi Né truh thŭn 2040, lehanăn hlŏng truh kơ thŭn 2050. Alŭ wăl čuăl mkă hlăm 3 boh ƀuôn hgŭm: Phú Thuỷ, Hoà Thắng lehanăn Mũi Né hŏng boh prŏng êbeh 14.700ha. čuăl mkă bi djăp ênoh čuăn kơ klei rŭ mdơ̆ng, mkra mjing alŭ wăl hiu čhưn ênguê Mũi Né jing sa alŭ wăl phŭn kơ klei hiu čhưn ênguê djăp ênoh čuăn ala tač êngao, jing anôk truh jăk hlăm alŭ wăl Asi – Pacific.

Tĭng truh kơ thŭn 2030 ênoh tue hriê čhưn hlăm brô 14 êklăk gưl čô mnuih, sang jưh dôk mâo hlăm brô 41.000 boh adŭ, lehanăn anôk rŭ mdơ̆ng giăm 10.000ha. Võ Thành Huy, K’iăng khua knơ̆ng bruă dhar kreh, mjuăt asei mlei lehanăn hiu čhưn ênguê brei thâo, êmưt êdi truh hrue 15/9 tinăp jih jang bruă čuăl mkă srăng dưi bi leh./.