Hlăm bruă mơ̆ng “mlan lông ngă kơ anôk truh bruă hiu čhưn ênguê Lâm Đồng thŭn 2025”, hlăm dua hrue êgao, knơ̆ng bruă dhar kreh, mjuăt asei mlei, lehanăn hiu čhưn ênguê čar  Lâm Đồng bi mguôp hŏng êpul hgŭm bruă hiu čhưn ênguê alŭ wăl, mkŏ mjing êpul Famtrip ksiêm dlăng kơ bruă čiăng mkŏ boh mnga lŏ hma, bruă hiu čhưn ênguê ti  3 alŭ wăl, krĭng mnga - êa ksĭ mtah –lehanăn čư̆ čhiăng.

Leh klei bi mŭt 3 boh čar mbĭt Lâm Đồng, Dak Nông lehanăn Bình Thuận, bruă hiu čhưn ênguê mơ̆ng čar  Lâm Đồng mrâo pŏk leh sa klei găl mrâo kơ klei mđĭ kyar prŏng, hŏng lu klei găl, klei čang hmăng. Êpul ksiêm dlăng Famtrip mâo phung truăn kơ bruă, sang hră gưl prŏng, phung ngă bruă hiu čhưn ênguê nao ksiêm dlăng leh ti 3 anôk kdlưn hĭn mơ̆ng čar Lâm Đồng, mâo: Mũi Né – “jing anôk yuôm bhăn êdi kơ bruă hiu čhưn ênguê Ngŏ dhŭng Asi”; Đà Lạt kdrăn mnga msĕ si Ơrôp krah krĭng hlơr”; Tà Đùng – “kplang Hạ Long ti dlông čư̆”. Jih jang klei blŭ bi lač Lâm Đồng ngă hĕ bi pral êlan klông mkŏ êlan hiu čhưn ênguê mơ̆ng Êa ksĭ –đĭ kơ dliê - mnga. Mlan hiu čhưn ênhuê Lâm Đồng thŭn  2025 hŏng akŏ: Lâm Đồng “Bi klin djăp mta klei jăk – mkŏ ai tiê mbĭt” mkŏ mjing mơ̆ng hrue 6/9 - 5/10 hŏng dŭm bruă dhar kreh – hiu čhưn ênguê – mnia mblei – mjuăt asei mlei. Anei jing klei găl čiăng kơ bruă hiu čhưn ênguê čar  Lâm Đồng bi lar kơ bruă anei čiăng dưi thâo kơ lăn mnga êa mơak, thâo khăp kơ tue, mâo lu knhuah gru dhar kreh, lehanăn bŏ hŏng ai tiê klei thâo khăp./.