Truh hruê 31/8, čar knŏng mrâo brei čan êbeh 4.400 êklai prăk, mâo êbeh 27% hdră kčah, tơdah yap wăt dŭm ênoh ka tla ăt knŏng mâo mă hlăm brô 27%. Năng mđing, dŭm hdră kñăm hŏng ênoh prăk giăm 8000 êklai prăk knŏng mâo brei čan 430 êklai prăk, knar hŏng 5% hdră kčah.

Bruă sang čư̆ êa čar jao kơ dŭm knơ̆ng, dhar bruă, alŭ wăl kñăm ruh mgaih klei dleh dlan, mtrŭt bi pral klei ngă bruă knŭk kna leh anăn brei čan, gĭr bi leh 100% hdră kčah dưi jao. Čiăng dưi mâo mta kñăm anei, mơ̆ng ară anei truh kơ knhal jih thŭn, grăp mlan čar čiăng brei čan kah knar hlăm brô 2.600 êklai prăk. Hồ Văn Mười, khua bruă sang čư̆ êa čar Lâm Đồng mñă ktang, klei bi pral klei brei čan duh bi liê bruă knŭk kna amâo djŏ knŏng bi leh bruă mkŏ mkra, ƀiădah lŏ mkŏ mjing boh kdrŭt mtrŭt mđĭ bruă duh mkra alŭ wăl, kyuanăn čiăng mkŏ mjing hdră êlan kơ grăp hruê čiăng mtrŭt bi pral.