Aguah 27/8, Êpul gơ̆ng bruă ƀuôn sang čar Khánh Hòa gưl VII, wưng 2021 - 2026 mkŏ mjing Klei bi kbĭn thơ̆ng. Hlăm klei bi kƀĭn, Êpul gơ̆ng bruă ƀuôn sang čar Khánh Hòa bi leh bruă kơ mnuih mă bruă hlăm klei dưi, ruah K’iăng Khua Knơ̆ng bruă sang čư̆ êa čar Khánh Hòa, wưng 2021 - 2026. Boh tŭ, Lê Huyền, Khua hlăm bruă Đảng čar, Khua Anôk bruă ngă hră mơar Klei bi kƀĭn bruă Đảng čar, djŏ ruah ngă K’iăng  Khua Knơ̆ng bruă sang čư̆ êa čar  Khánh Hòa.

Phung bi ala bi mklă Hdră mtrŭn boh tŭ ruah leh. Êlâo anăn, Anôk bruă gĭt gai ruah Lê Huyền, Khua hlăm bruă đảng čar hđăp, K’iăng Khua knơ̆ng bruă sang čư̆ êa hđăp čar Ninh Thuận (êlâo kơ bi mŭt hŏng čar Khánh Hòa) hgŭm hlăm Anôk dlăng briă Đảng čar Khánh Hòa wưng 2020 - 2025. Snăn, Knơ̆ng bruă sang čư̆ êa čar Khánh Hòa ară anei mâo 1 khua knơ̆ng bruă leh anăn 4 čô K’iăng khua knơ̆ng bruă sang čư̆ êa čar, hlăm anăn Trần Quốc Nam jing Khua Knơ̆ng bruă sang čư̆ êa čar, phung k’iăng khua knơ̆ng bruă mâo: Nguyễn Long Biên, Trần Hòa Nam, Trịnh Minh Hoàng leh anăn Lê Huyền.