Asăp mtrŭn lač klă, dŭm êpul kahan ksiêm, lĭng kahan, kriê dlăng anôk mnia mblei, kiă kriê klei mŭt kbiă, knông lăn… srăng čŏng pô thâo klă boh sĭt, hmao ƀuh, ƀuah mkra dŭm klei ngă soh hŏng hdră bhiăn, amâo mâo brei mâo klei kjăt. Khua knŭk kna mñă ktang bruă mđĭ hĭn klei gak răng, ksiêm dlăng êlan klông, gang mkhư̆ klei pui ƀơ̆ng, klei truh tơl, phung ngă soh, răng mgang klei êđăp ênang kơ dŭm bruă kđi čar, dhar kreh, bruă hiu čhưn ênguê, klei hlăp lêñ mơ̆ng mnuih ƀuôn sang.

Dŭm alŭ wăl mâo hdră êlan bi mdrơ̆ng hŏng klei hjan hlĭm, êa lip, răng mgang ngăn dŏ leh anăn asei mlei. Khua knŭk kna mñă kơ dŭm anôk bruă djŏ tuôm hưn mdah boh sĭt, đru rơ̆ng kơ klei êđăp ênang čiăng kơ mnuih ƀuôn sang drông hruê klei êngiê hlăm klei hơ̆k mơak