Hlăm dua hrue 16 lehanăn 17/9, Anôk bruă êpul gơ̆ng bruă ƀuôn sang čar  Lâm Đồng hgŭm hŏng anôk bruă phung bi ala, êpul bruă phung bi ala bruă kƀĭn ala mkŏ mjing leh klei mjuăt bi hriăm klei thâo mă bruă kơ phung bi ala êpul gơ̆ng bruă ƀuôn sang gưl ƀuôn hgŭm, mđĭ klei thâo kơ hdră bhiăn, klei thâo hlăm klei mă bruă. Hŏng hdră mtô bi hriăm ti anăp lehanăn hŏng online.

Klei mjuăt bi hriăm anei kñăm čiăng kơ jih jang phung bi ala kjăp hlăm klei mă bruă ti êpul ƀuôn hgŭm hlăm čar Lâm Đồng. Klei bi kƀĭn anei mâo mkŏ leh mơ̆ng anôk jing phŭn ti Đà Lạt truh hŏng 120 anôk hlăm čar lehanăn mâo 1.720 čô phung bi ala nao hriăm. K’Mák, K’iăng khua Êpul gơ̆ng bruă ƀuôn sang čar Lâm Đồng brei thâo, mơ̆ng bruă sang čư̆ êa dua gưl, snăn ênoh bruă knuă mơ̆ng êpul gơ̆ng bruă ƀuôn sang gưl ƀuôn hgŭm lu hĭn, lehanăn ktrŏ hĭn năng brei lŏ mđĭ hnơ̆gn kjăp hlăm klei mă bruă, čiăng dưi bi leh bruă kčah mrâo./.