Mđup brei hla čhiăm gru ala čar leh anăn rup Awa Hồ kơ dŭm gŏ sang krĭng knông lăn
Thứ tư, 08:51, 20/08/2025
H’Zawut Ƀuôn Yă/VOV Tây Nguyên
H’Zawut Ƀuôn Yă/VOV Tây Nguyên
VOV.Êđê- Êpul êdam êra cộng sản Hồ Chí Minh pŏk ngă hdră “Kâo khăp kơ čar kwar kâo - Ktưn hưn Việt Nam”, hrăm mbĭt mđup brei 80 êbâo hla čhiăm gru čar kwar leh anăn 80.000 rup Awa Hồ kơ dŭm gŏ sang dleh dlan krĭng knông lăn.
Anei jing hdră jiă kma klei khăp, klei mkŏ dŭm êklăk čô mnuih ƀuôn sang Việt Nam čiăng mơĭt kơ krĭng knông lăn čar kwar mnơ̆ng jăk siam, yuôm bhăn. Hdră dôk hlăm jar Hdră bruă Kâo khăp kơ čar kwar kâo kyua Êpul êdam êra Việt Nam ngă mđing kơ klei bi hdơr 80 thŭn krŭ kdơ̆ng mlan 8 tŭ jing leh anăn mphŭn mkŏ mjing ala čar Yang ƀuôn ngă phŭn Việt Nam (2/9).
Ti Dak Lak, hdră bruă ngă leh anăn dôk pŏk ngă jăk hlăm dŭm tur knơ̆ng ala ƀuôn, bi mklă hlăm dŭm hdră, bruă ngă ti dŭm alŭ wăl. Hlăm anăn mđĭ ktang bruă ngă mđing kơ mnuih ƀuôn sang krĭng dleh dlan, boh nik mnuih ƀuôn sang ti krĭng knông lăn.
Viết bình luận