Klei kƀĭn prŏng ruah leh Êpul khua gĭt gai gưl mrâo. Lương Quốc Đoàn lŏ dơ̆ng păn ngă Khua gĭt gai gưl dlông Êpul hgŭm ƀĭng ngă lŏ hma Việt Nam gưl 9. Mŭt hlăm wưng mrâo, Êpul bi mlih ktang mơ̆ng mtrŭt mjhar jing hrăm mbĭt, mdưm mta kñăm bi mŭt thiăm 500.000 čô hgŭm, đru mkŏ mjing ƀiă êdi 5.000 knơ̆ng bruă lŏ hma leh anăn mkăp klei thâo yua mrô kơ ƀiă êdi 70% čô hgŭm.

Klei kƀĭn prŏng bi leh leh dŭm hdră êlan kdlưn hĭn čiăng mkŏ mjing êpul ƀĭng ngă lŏ hma thơ̆ng kơ bruă, mtrŭt mđĭ bruă lŏ hma mtah leh anăn bi mlih mrô, mkŏ mjing tur knơ̆ng kjăp ba boh mnga Việt Nam truh kơ tar rŏng lăn. Blŭ hlăm hlăm klei kƀĭn prŏng, Trần Cẩm Tú, Khua hlăm phŭn bruă kđi čar, Khua hlăm êpul bruă Đảng đăo knang: Hlăm wưng păn bruă mrâo mđing truh bi hdơr 100 thŭn mkŏ mjing Đảng Cộng sản Việt Nam, mkŏ mjing êpul ƀĭng ngă lŏ hma dŭm gưl leh anăn hdră bruă ƀĭng ngă lŏ hma Việt Nam kjăp srăng mâo klei đĭ kyar kdlưn hĭn, mkŏ mjing dŭm boh tŭ dưn, đru hluê ngă tŭ dưn hdră mtrŭn klei kƀĭn prŏng tal 14 mơ̆ng Đảng, mkŏ mjing lăn čar êđăp ênang, êngiê, ngă phŭn, mdrŏng ktang mrâo mrang leh anăn yâo mơak./.