Mnuih ƀuôn sang Việt Nam ti Thái Lan mjhar klei “Mnăm êa hdơr kơ akŏ”
Thứ hai, 10:35, 15/09/2025
VOV TAYNGUYEN
VOV TAYNGUYEN
VOV.Êđê-Tlam mbruê 14/9, mnuih Việt Nam ti Thái Lan mkŏ mjing leh klei ngă yang hơdrr kơ mnguh mngăt phung săn asei ti sang yang Phổ Phước (Wat Kusol Samakorn), sa boh sang yang mơ̆ng mnuih Việt nam mdơ̆ng leh mơ̆ng mphŭn dô ti ƀuôn prŏng phŭn Bangkok, ƀri bi hdơr 80 thŭn hrue mkŏ mjing lăn čar yang ƀuôn êngiê Việt Nam (02/9/1945 – 02/9/2025).
Blŭ hrăm ti anôk anei, Khua prŏng hlăm bruă kƀĭn ala Lae Dilokvidhyarat – sa čô nai prŏng mnuih Thái phŭn agha Việt Nam– lač: Anei jing wưng lŏ bi hdơr, lehanăn lŏ jing mmông găl bi êdah bruă klam hlăm klei thâo bi mguôp jih jang mnuih Việt nam hdĭp ti ala čar anei. Knăm anei bi êdah klei “mnăm êa hdơr kơ akŏ”, lehanăn mñă mñăng kơ klei yuôm bhăn mơ̆ng klei êđăp ênang, mjing atur kơ klei mđĭ kyar, lehanăn klei jăk mơak mơ̆ng anak mnuih.
Bruă anei lŏ đru bi kriê pioh knhuah gru dhar kreh djuê ana, hyuă kjăp klei bi mguôp hdơ̆ng mnuih Việt Nam kbưi hŏng ƀuôn sang, mđrăm mbĭt bi đru ksul mbŭ klei thâo bi khăp lehanăn wĭtt kơ ƀuôn sang lăn čar pô./.
Viết bình luận