Hlăm klei kƀĭn trông, Khua bruă kƀĭn ala Trần Thanh Mẫn lač klă, Klei kƀĭn kluôm phung bi  ala Bruă kƀĭn ala  gưl tal 1 mkŏ mjing hlăm wưng lăn čar mrâo mŭt hlăm wưng mlih mrâo, ti anăp dŭm klei čuăn ƀrư̆ hruê ƀrư̆ lu, mdưm bruă klam prŏng prĭn hŏng bruă Đảng Bruă kƀĭn ala, đru mkŏ mjing boh kdrŭt đĭ kyar ktang hlăm bruă mkŏ mjing leh anan răng mgang lăn čar.

Băng:  Anei amâo djŏ knŏng jing wưng lŏ ksiêm wĭt, bi klă kluôm dŭm boh tŭ dưn, klei êdu kƀh, phŭn agha, klei hriăm mơ̆ng wưng păn bruă êlâo, ƀiădah lŏ čuăl mkă hdră êlan, mta kñăm hdră êlan mđĭ kyar leh anăn bruă klam phŭn wưng thŭn 2025 – 2030. Mbĭt anăn čuăn ruah, mkŏ wĭt êpul knuă druh gĭt gai mâo knuih hdĭp jăk, djăp klei thâo, mâo klei thâo mĭn čiăng klam ngă bruă klam mơ̆ng Đảng, Bruă kƀĭn ala  leh anăn mnuih ƀuôn sang jao.

Hlăm klei kƀĭn trông, phung khua hlăm bruă Đảng Bruă kƀĭn ala  mâo klei blŭ mguôp klă kơ bruă mprăp hră mơar klei kƀĭn kluôm, dŭm bruă hâo hưn, bruă nah tluôn, mkŏ mjing bruă đru leh anăn brua ksiêm dlăng.

Khua bruă kƀĭn ala Trần Thanh Mẫn bi myuôm dŭm êpul bruă Đảng, dhar bruă ksiêm dlăng leh anăn adŭ bruă Đảng mâo leh klei čŏng pô, ngă hur har dŭm bruă klam, rơ̆ng kơ hnơ̆ng jăk, mprăp kơ klei kƀĭn kluôm. Bruă dăp mnuih mă bruă dưi ngă djŏ hŏng klei čuăn, rơ̆ng ko klei êngiê, hmao bi kluôm dŭm bruă păn, gưl bruă Đảng nah gŭ. Mbha bruă klam kla klơ̆ng kơ phung Khua êpul bruă Đảng gĭt gai klei kƀĭn kluôm dŭm anôk bruă Đảng.

Hră mơar klei kƀĭn kluôm mkŏ mjing leh dŭm hdră mkăp, mkŏ mjing mă klei blŭ mguôp, mđing hmư̆, bi kuôm djŏ hŏng hdră kčah. Akŏ, hdră êlan mphŭn mâo klei sa ai, bi tŭ ư. Bruă ksiêm dlăng, ktuê dlang dưi kñăm ngă, rơ̆ng kơ dŭm hdră hlăm klei čuăn kđi čar, hră mơar, bruă ruah mdưm dŭm bruă păn kmeh gơ̆ng.

Bi kơ bruă čih mkra hră mơar klei kƀĭn kluôm, Khua bruă kƀĭn ala Trần Thanh Mẫn jao kơ Êpul bruă ngă hră mơar mđing hmư̆ kluôm dhuôm klei blŭ mguôp mơ̆ng dŭm anôk bruă Đảng, phung thơ̆ng kơ bruă, đảng viên mnuih mă bruă. Dŭm klei hưn mdah bi êdah djŏ boh sĭt, bi klă kluôm dhuôm, klă sĭt kơ dŭm boh tŭ dưn dưi mâo, klei kdlưn hĭn, klei kƀah hlăm wưng păn bruă êgao, mta phŭn, klei hriăm bi êdah klă dŭm hdră êlan, bruă klam phŭn leh anăn mâo dŭm hdră êlan klă klơ̆ng, mâo knhuah kdlưn hĭn hlăm wưng păn bruă kơ anăp.

Băng: Dŭm hră mơar klei bhiăn čiăng mâo klei khuăt, mâo boh êlam, ênưih bi trông, mkŏ mjing klei sa ai hlăm klei kƀĭn kluôm. Hlăm anăn klei hưn mdah kđi čar jing klei hưn mdah phŭn, čiăng nao klă hŏng klei mĭn gĭt gai, hdră êlan, hdră tă prŏng hlăm dŭm hră mơar Klei kƀĭn kluôm tal 15 mơ̆ng Đảng, Klei hưn mdah ksiêm wĭt mơ̆ng gưl bruă Đảng nah gŭ srăng mâo knhuah kdơ̆ng mblah, bi myuôm ai tiê čŏng ksiêm wĭt pô leh anăn bi klă bruă klam mơ̆ng grăp êpul êya, grăp čô kơ boh tŭ dưn klei gĭt gai mơ̆ng bruă Đảng Bruă kƀĭn ala. Hră mơar nao klă hŏng hdră tă mơ̆ng Phŭn bruă kđi čar, Êpul khua bruă Đảng gưl dlông jing bruă mbĭt, ƀiădah bruă phŭn mơ̆ng Bruă kƀĭn ala  jing čih mkra hdră bhiăn, ktuê dlang leh anăn bi klă dŭm boh klei yuôm bhăn mơ̆ng lăn čar.

Bi kơ mnuih mă bruă, khua Bruă kƀĭn ala  mñă brei lŏ dơ̆ng ksiêm dlăng klă, rơ̆ng ngă djŏ klei čuăn mơ̆ng Đảng, ngă jăk bruă bi klă knuă druh, bruă hưn mdah mnuih mă bruă hlam Êpul khua bruă Đảng gưl mrâo srăng mâo klei klă mngač, mâo knhuah lŏ čuê, mlih mrâo, dlăng yuôm hnơ̆ng jăk, mâo ênoh leh anăn djŏ hdră, Êpul khua bruă Đảng wưng păn bruă mrâo čiăng kdlưn hĭn kơ knhuah hdĭp kđi čar, klei thâo mĭn, knuih hdĭp, klei thâo, kơhưm. Mbĭt anăn, ngă jăk hlăm bruă klei mĭn, mkŏ mjing klei sa ai, klei bi mguôp, krơ̆ng kơ hdră bhiăn mơ̆ng Đảng.

Khua Bruă kƀĭn ala  đăo knang, hŏng klei bi mguôp, klei gĭr leh anăn ai tiê đua klam mơ̆ng phung knuă druh, đảng viên, bruă mprăp kơ klei kƀĭn kluôm phung bi ala bruă Đảng Bruă kƀĭn ala  gưl tal 1 srăng dưi ngă djŏ hdră kčah, rơ̆ng kơ hnơ̆ng jăk, đru mkŏ mjing tŭ jing klei kƀĭn kluôm bruă Đảng tal 14.