Nguyễn Khắc Toàn păn ngă khua Bruă sang čư̆ êa čar Khánh Hòa
Thứ sáu, 08:00, 26/09/2025
Y-Bel Êban/VOV Tây Nguyên
Y-Bel Êban/VOV Tây Nguyên
VOV.Êđê- Hruê 25/9, bruă sang čư̆ êa čar Khánh Hoà mkŏ mjing klei kƀĭn trông ba mdah klei bi klă mơ̆ng knŭk kna kơ bruă bi klă boh tŭ dưn klei mplĕ hră ruah khua bruă sang čư̆ êa čar Khánh Hòa wưng thŭn 2021 – 2026 hŏng Nguyễn Khắc Toàn, K’iăng khua bruă Đảng čar.
Êlâo kơnăn, hruê 16/9, hlăm klei kƀĭn tal 2, Êpul gơ̆ng bruă ƀuôn sang čar Khánh Hòa ruah mdưm leh Nguyễn Khắc Toàn păn ngă bruă anei.
Blŭ hrăm đĭ păn bruă, Nguyễn Khắc Toàn ƀuăn srăng mbĭt hŏng êpul êya bruă sang čư̆ êa čar Khánh Hòa mlih mrâo klei mĭn ngă bruă, mdưm boh tŭ dưn lăn čar, ƀuôn sang leh anăn mnuih ƀuôn sang jing tal êlâo hĭn, bi lar knhuah gru bi mguôp – hdră bhiăn – mbruă – ktang phĭt –tŭ dưn, bi myuôm ai tiê bruă klam, jih ai tiê ba čar Khánh Hòa đĭ kyar. Nguyễn Khắc Toàn, k’kiêng thŭn 1970 ti ƀuôn prŏng Đông Ninh Hòa, čar Khánh Hòa, klei hriăm cử nhân luật, cử nhân mkŏ mjing Đảng leh anăn knŭk kna lăn čar, gưl dlông klei hlăk mblang kđi čar.
Viết bình luận