Hruê mbruê 11/9, ti anôk bruă Đảng gưl dlông, ti gŭ klei gĭt gai mơ̆ng Khua gĭt gai Đảng Tô Lâm, Phŭn bruă kđi čar mă leh bruă hŏng Êpul khua bruă Đảng Bruă Kƀĭn Ala čiăng brei klei blŭ mguôp kơ dŭm hră mơar, hdră êlan mnuih mă bruă leh anăn bruă mprăp kơ klei kƀĭn Kluôm bruă Đảng Bruă Kƀĭn Ala gưl tal 1, wưng thŭn 2025 – 2030. Hlăm mmông mă bruă, Phŭn bruă kđi čar bi myuôm dŭm hră mơar leh anăn hdră êlan mnuih mă bruă mâo anôk bruă Đảng Bruă Kƀĭn Ala mprăp klă nik, djŏ hdră bhiăn, kreh knhâo, djŏ hŏng klei čuăn leh anăn klei mtô mơ̆ng gưl dlông, mbĭt anăn brei klei blŭ čiăng bi mbŏ, bi kluôm hră mơar klei kƀĭn.

Khua gĭt gai Đảng Tô Lâm mnă ktang hlăm wưng păn bruă kơ anăp, Bruă Đảng Bruă Kƀĭn Ala čiăng kñăm gĭt gai kơ bruă mtrŭt mđĭ bruă mkŏ mjing Đảng ênuah ênô, kjăp kluôm dhuôm, mlih mrâo klei gĭt gai hŏng gru hmô mrâo.

Hur har, mjêč bi klă hdră êlan mơ̆ng Đảng jing hdră bruă, hdră êlan hdră bhiăn čiăng hluê ngă hlăm boh sĭt. Khua gĭt gai Đảng Tô Lâm mñă, kñăm gĭt gai ngă tŭ dưn bruă ruah phung bi ala Bruă Kƀĭn Ala gưl 16 leh anăn phung bi ala Êpul gơ̆ng bruă ƀuôn sang dŭm gưl wưng thŭn 2026 – 2031. Gĭt gai hluê ngă jăk bruă čih mkra hdră bhiăn, mkŏ mjing hdră bhiăn jing klei kdlưn hĭn, ruh mgaih klei dleh dlan, kpăk gŭn, bi hluh ao dưi mđĭ kyar lăn čar.