Phŭn bruă kđi čar mă bruă hŏng Anôk bruă kiă kriê bruă Đảng hlăm knŭk kna
Thứ năm, 07:00, 11/09/2025
Pô mblang: Y Khem Niê/VOV
Pô mblang: Y Khem Niê/VOV
VOV.Êđê - Aguah mbrue 10/9, ti Anôk bruă Đảng gưl dlông, ti gŭ klei kiă kriê mơ̆ng khua gĭt gai Đảng Tô Lâm, Phŭn bruă kđi čar mâo leh mmông mă bruă hŏng Anôk bruă kiă kriê bruă Đảng mơ̆ng anôk bruă knŭk kna, čiăng mă klei blŭ kơ bruă čih mkra, lehanăn hdră êlan dăp mnuih kơ gưl bruă Đảng, lehanăn mprăp kơ klei bi kƀĭn prŏng bruă Đảng hlăm anôk bruă knŭk kna wưng thŭn 2025-2030.
Ti anôk mă bruă, Phŭn bruă kđi čar hmư̆ leh pô bi ala mơ̆ng Anôk bruă kiă kriê bruă Đảng knŭk kna hâo mdah bruă mkŏ mjing klei čih mkra hră mơar, lehanăn hdră êlan dăp mnuih wưng thŭn 2025 - 2030, tŭ mă klei hâo mdah, hlak mblang kơ dŭm klei blŭ mơ̆ng dŭm anôk bruă, phŭn dhar bruă gưl dlông.
Klah čŭn mmông mă bruă, Khua gĭt gai Đảng Tô Lâm mtă kơ êpul khua kiă kriê bruă Đảng anôk bruă knŭk kna, lŏ dơ̆ng tŭ mă klei blŭ mơ̆ng phung khua kiă kriê phŭn bruă kđi čar, klei blŭ mơ̆ng dŭm phŭn dhar bruă, čiăng bi leh bruă čih mkra hră mơar, lehanăn hdră êlan dăp mnuih, lŏ dơ̆ng mprăp bi jăk, čiăng kơ klei bi kƀĭn prŏng mâo klei tŭ jing bruă Đảng wưng păn bruă 2025 - 2030.
Viết bình luận