Hruê 8/9, ti Anôk bruă Đảng gưl dlông, hŏng klei gĭt gai mŏng Khua gĭt gai Đảng Tô Lâm, êpul êya Phŭn bruă kđi čar mă leh bruă hŏng Anôk kriê dlăng bruă Đảng kahan ksiêm gưl dlông brei klei blŭ kơ bruă čih mkra hră mơar lehanăn hdră knuă druh ba mdah kơ Klei bi kƀĭn phung bi ala bruă Đảng kahan ksiêm gưl dlông tal VIII, wưng thŭn 2025 - 2030.

Ti anôk mă bruă, leh hmư̆ klei hưn mŏng Anôk kriê dlăng bruă Đảng kahan ksiêm gưl dlông hưn mdah, Phŭn bruă kđi čar čih yap leh hdră mprăp djăp ênŭm, pral mŏng Anôk bruă Đảng kahan ksiêm gưl dlông. Klei hưn mdah bruă kđi čar mâo mprăp klă ênŭm, kreh knhâo, tĭng dlăng kluôm boh tŭ hluê ngă Hdră mtrŭn Klei bi kƀĭn wưng păn bruă êgao, hưn lač klă klei găl, klei êdu kƀah, mta phŭn dŭm klei anei lehanăn klei hriăm yuôm bhăn; bi mklă hdră êlan, mta kñăm, 3 êpul bruă djŏ tuôm kơ hdră ngă bruă, hdră răng mgang klei êđăp ênang lehañ bi mlih mrô, dŭm bruă nah tluôn, mkŏ mjing êpul lehanăn bruă hŏng tač êngao, 8 bruă klam phŭn lehanăn 3 hdră êlan phŭn mơ̆ng bruă Đảng anôk bruă kahan ksiêm hlăm wưng ti anăp… Phŭn bruă kđi čar tŭ ư hŏng hdră kčah mkŏ mjing Klei kƀĭn phung bi ala bruă Đảng anôk bru kahan ksiêm tal VIII. Klah čŭn ti anôk bi kƀĭn, mtă kơ Anôk dlăng bruă Đảng kahan ksiêm gưl dlông tŭ mă dŭm klei blŭ đru mguôp čiăng bi leh mta phŭn dŭm mta hră mơar lehanăn hdră knuă druh klei bi kƀĭn; gĭt gai brei hluê ngă jăk hdră mprăp, mkŏ mjing klei bi kƀĭn tŭ dưn jăk siam./.