25 thŭn êgao hdră phung êdam êra ba anăp yan mdei prŏng mâo phung mda asei čar Kon Tum bi mrâo hlăm grăp thŭn, kơ boh phŭn leh anăn hdră pŏk ngă. Boh tŭ êdah êdi hlue ngă 875 hdră bruă, kdrêč phung êdam êra mâo ênoh 10 êklai prăk; đru mkra êbeh 700 km êlan krĭng ƀuôn sang; mkŏ mjing leh anăn mkra mđĭ êbeh 80 boh sang kơ phung mâo klei hdĭp dleh dlan, mđup brei êbeh 20 êbâo hnư mnơ̆ng kơ gŏ sang knŭk kna dlăng ba.

Gưl anei, 12 čô êdah êdi hlăm hdră mâo mă medai bi hdơr “Kyua phung mda asei” mơ̆ng bruă êdam êra gưl dlông, Knơ̆ng bruă sang čư̆ êa čar Kon Tum mđup brei hră bi mni kơ 7 êpul, bruă êdam êra čar Kon Tum mđup brei kơ kdriêk knông lăn Sa Thầy leh anăn Ngọc Hồi 2 hdră bruă phung êdam êra “Kuč mngač êlan ƀuôn sang” hŏng ênoh 225 êklăk prăk.