Dua tĭng bi êdah klei mơak ti anăp klei đĭ kyar jăk siam hlăm klei bi mjĕ mơ̆ng đưm lehanăn Ƀĭng hgŭm phŭn kluôm dhuôm Việt Nam – Russia hlăm wưng êgao. Khua Anôk bruă kƀĭn ala Trần Thanh Mẫn mtă kơ Duma Russia lŏ dơ̆ng bi hgŭm kjăp hŏng Anôk bruă kƀĭn ala Việt Nam, kah mbha klei thâo hlăm bruă mkŏ mjing “Anôk bruă kƀĭn ala kreh knhâo”, đru bi leh jar klei bhiăn lehanăn ruh mtlaih klei gun kpăk hlăm hdră bi hgŭm.

Dua tĭng mtrŭt mđĭ klei bi hgŭm bruă duh mkra, mnia mblei, duh bi liê, bruă pui kmlă, bruă kreh knhâo – kdrăp mrâo, bruă mtô bi hriăm, dhar kreh lehanăn bi mjĕ mjuk mnuih ƀuôn sang. Khua kiă kriê Volodin mñă Duma Russia mprăp pŏk mlar klei bhiăn bi hgŭm mrâo, đru mjuăt bi hriăm dŭm bruă Russia mâo klei găl, mtrŭt mđĭ hdră mtô klei Việt Nam ti Russia lehanăn klei Russia ti Việt Nam, đru bi kjăp klei bi mjĕ hgŭm bruă kluôm dhuôm./.