Kon Tum mđrăm mbĭt trŭn kơ bruă mkŏ mkra krĭng ƀuôn sang mrâo lehanăn kreh dhar ƀuôn prŏng
Thứ sáu, 08:57, 07/02/2025
Pô mblang H'Nêč Êñuôl / VOV Tây Nguyên
Pô mblang H'Nêč Êñuôl / VOV Tây Nguyên
VOV4.Êđê- Aguah 6/2, 102 să, ƀuôn hgŭm, wăl krah 10 kdriêk, ƀuôn prŏng mơ̆ng čar Kon Tum mđrăm mbĭt mkŏ mjing Knăm trŭn kơ bruă akŏ thŭn 2025 hŏng akŏ “Trŭn kơ bruă mkŏ mkra krĭng ƀuôn sang mrâo lehanăn kreh dhar ƀuôn prŏng”.
Hluê anăn, grăp kdriêk, ƀuôn prŏng hlăm čar ruah 1 să, ƀuôn hgŭm, wăl krah amâo dah alŭ, ƀuôn čiăng mkŏ mkra hdră anei. Mta phŭn hluê ngă mâo gĭr mâo dŭm hnơ̆ng čuăn bruă duh mkra – ala ƀuôn; Pŏk ngă gru hmô mđĭ kyar bruă duh mkra, pla mjing, mkra mđĭ pưk hma, mđĭ kyar mnơ̆ng dhơ̆ng OCOP; Mkra mrâo, mkra mđĭ êlan klông, mbông mnuôr êa, sang dhar kreh, anôk mjuăt asei mlei…
Thŭn 2025, čar Kon Tum mâo mta kñăm mđĭ kyar êbeh 10%; Hnơ̆nghrui wĭt ngăn prăk knŭk kna ti alŭ wăl mâo mơ̆ng 5 êbâo êklai prăk kơ dlông, mkra mđĭ 2 êbâo ha lăn huâng; msir lăm 100% boh sang tĭ ƀrôč, sang dôk êjai, lŏ mâo 7 să djăp hnơ̆ng čuăn krĭng ƀuôn sang mrâo lehanăn 200 alŭ, ƀuôn krĭng ƀuôn sang mrâo hlăm krĭng mnuih djuê ƀiă./.
Viết bình luận