VOV4.Jarai - Tui hăng Ding jum ngă hmua hăng pơđĭ kyar plơi pla, prăk blơi sĭ gơnam hăng dêh čar tač rơngiao mơng gơnam mơng hmua, kyâo, akan hơdang 3 blan tal 1 hơmâo 10 klai 61 klăk dolar Mi, đĭ 19,7% pơhmu hăng tơđar thun hlâo. Amăng 3 blan tal 1 (quí 1), lu mơta gơnam ba sĭ kơ tač rơngiao nua pơmă hloh kơ tơđar thun hlâo kah hăng: kơsu, če, añăm pơtăm, boh troh, hơbơi plum, hơdang, hơdôm gơnam pơkra mơng kyâo. Khă hnun, ăt hơmâo mơng gơnam nua trun kah hăng: kơphê, braih, boh ñông, akan tra...Kơ anih ƀing ta ba sĭ gơnam, nua ba sĭ gơnam mơng hmua, akan hơdang, kyâo pơ hơdôm boh dêh čar kual Châu Á hơmâo 54,4%; kual Châu Mĩ hơmâo 32,2%; kual Mi Kô̆ hơmâo 11,8%... Amăng mrô anun, 4 anih hơmâo ba sĭ lu biă ñu lĕ dêh čar Mi, Khač, Japan hăng Hàn Quốc lêng kơ đĭ soh.

Siu H’Mai: Pơblang