VOV4.Jarai - Tơdơi kơ tơring čar Kontum hăng Gialai, tơring čar Daklak phrâo ƀuh kman ƀong ƀơi klĭ rơmô. Rơmô blung a ƀă klin ƀong ngă blôm blam ƀơi klĭ rơmô amăng tơring čar Daklak, anai lĕ sang anŏ ơi Nguyễn Khắc Dự, ƀut plơi 5, să Čuôr Knia, tơring glông Buôn Đôn. Tui hăng pel ĕp, lơ 3/6, ơi Dự blơi rơmô mơng sa boh sang anŏ ƀơi să giăm anun. Lơ̆m blơi rơmô, huăi ƀuh ƀă kman ôh. Truh mơguah lơ 4/6, rơmô anai duam, ƀuh kman ƀong ngă blôm blam ƀơi klĭ. Tơdơi anun, anom bruă wai lăng hlô mơnong hơmâo mă drah pơčrang lăng hăng lăi pơthâo rơmô anai ƀă kman ƀong ƀơi klĭ. Hrŏm hăng bruă pơrai hĭ, gơnong bruă bơdjơ̆ nao pruih ia jrao ƀơi anih hơmâo kman. Anom bruă wai lăng bruă rông hlô mơnong tơring čar Daklak hơmâo hră rơkâo djop ƀon lan kiăng kơtưn amăng bruă pel ĕp mơng anun ƀuh tañ hơdôm anih hơmâo kman kiăng tañ pruih ia jrao pơgang.

Siu Đoan: Pơblang